Nov
25
2017
Today
Cuaca Cilacap 29-08-2017

Berawan
Suhu : 24-320C
Angin : 5-25 km/jam
Cuaca Maritim

Login

Nama Pengguna Kata sandi
Lupa kata sandi anda? Lupa nama pengguna anda?
Jebule Salah Kirim E-mail Cetak
Sabtu, 27 September 2008 10:17

Ana sepasang keluarga sing wis setengah baya umure ,dheweke padha-padha sekang kalangan professional. Pokoke lanang karo wadon nyambut gawene dadi Bos kabeh kayonge….sebut keluarga Pak Sunyoto.

Saking sibuke Pak Nyoto karo Bu Nyoto jarang kumpul karo keluargane terutama karo anak-anake. Pas ana wektu cuti Pak Nyoto ngajak bojone plesiran maring Bali ( Arep nostalgia critane ), dheweke juga arep manggon maning neng kamar hotel sing padha wektu Honeymoon (bulan madu) wektu menikah 30 tahun kepungkur, saking sibuke Pak Nyoto mabur ndhisiti, ora bareng karo Bu Nyoto soale pas ana meeting dina kuwe.

Sewise check in nang Hotel nang bali, Pak Nyoto langsung bludhus mlebu kamar hotel. Nang kamar Pak Nyoto ndeleng ana komputer sing wis dipasang jaringan internet.

Saking senenge dheweke nulis email mesra ditujukna nggo bojone neng kantore neng Cilacap.

Cilakane Pak Nyoto salah ngetik  alamat emaile bojone, juga ora nyadari karo kesalahane, tapi neng dheweke tetep dikirim bae email kuwe.

Nang sejen nggon, daerah Purwokerto ana keluarga sugih juga (wong pengusaha gendheng apa ya… ) ana wong wadon (jenenge Bu Rita) karo sanak sedulure tembe bali sekang pemakaman karo pada nangis njebrembes kabeh…., soale bojone Bu Rita mau tembe bae ninggal (tembe dikubur).

Mbengi seuwise acara do’a selamat (slametan / nyaur tanah ) Bu Rita langsung ngecek e-mail arep mbaca ucapan-ucapan selamat belasungkawa sekang sedulur-sedulur sing adoh juga sekang kanca-kanca bisnise.

Tembe bae mbukak e-mail sing pertama, Bu Rita langsung kaget terus semaput ora sadar……..( kenang apa ya ??? ). Terus anak mbarepe Bu Rita kaget ndeleng ibune semaput, terus deweke juga mbaca e-mail neng komputer, ora suwe deweke juga ngglethak semaput ora sadar.

 

Tulisan e-maile :

--------------------------------------------------------------------------------------------------------------------------------

To          :  Bojoku sing tersayang

Subject  :  Papah wis tekan Mah…..

Sent        : September 10 , 2008  2 : 15 PM

 

Aku ngerti kowe mesti kaget tapi seneng entuk kabar sekang aku.

Rupane Mah, neng kene wis disiapna Komputer sing wis dipasang internet. Jerene kena nggo ngirim kabar berita nggo wong-wong sing nang umah. Aku tembe tekan juga wis check-in, jere  wis disiapna kabeh nggo nyambut tekane kowe ngeneh ngesuk. Aku dadi ora sabar rasane nunggu kowe Mah………

Semoga perjalananmu meng ngeneh lancar juga asyik kaya perjalananku mau ………

Tek tunggu kowe neng kene mah……..

Salam sekang Bojomu…

 

       ( Papah )

 

NB : neng kene lagi panas-panase Mah,  Nek bocah-bocah pada gelem dijak bae ya kena mah……

 

 

Artikel dikirim oleh Sumarno



Share on
Facebook! Twitter! Joomla Free PHP
 

Posting komentar anda