Okt
30
2020
Today
Cuaca Cilacap 01-09-2020

Berawan
Suhu : 24-300C
Angin : 5-10 km/jam
Cuaca Maritim
Nglilir, Motor Ilang Cetak
Selasa, 19 Nopember 2013 09:07

CIMANGGU, (CIMED) – Ketiban apes dialami Komariyah (40), warga Desa Negarajati, Cimanggu, dheweke kelangan motor nang njero umah.


Mula bukane kedadean kuwe, pas dina Jemuah (15/11/2013) sekitar jam setengah telu esuk Taufik Ismail anak lanange Komariyah nglilir. Maksude arep pindah nggon turu, ndilalah weruh lawang umahe mlongo. Ngerti lawang umahe mbukak, Taufik banjur nggugah biyunge aweh ngerti.

Khawatir mbok ana apa-apa, Komariyah bareng karo Taufik ngecek isi umah. Bener bae, jebule motor Honda sing diparkir nang ruang tamu wis ora ana.

“Mbengi, motor tek parkir nang ruang tamu, wis dikunci stang mbarang. Pas nglilir motor wis ora ana maning,” jere Komariyah pas laporan maring polisi.

Merga kedadean kuwe, Komariyah ngaku ngalami rugi Rp 15 juta sekang rega motor. Motore Komariyah sing ilang plat nomere R 2514 VF, nomer rangka MH1JB9121BK481347 nomer mesin JB91E2472564. Kasuse siki agi diselidiki nang polisi.