Sep
28
2020
Today
Cuaca Cilacap 01-09-2020

Berawan
Suhu : 24-300C
Angin : 5-10 km/jam
Cuaca Maritim
Agi Nang Sawah, Karsin Kesamber Bledheg Cetak
Senin, 28 April 2014 16:15

JERUKLEGI, (CIMED) – Siki esih mangsan udan dibarengi bledheg. Mulane angger sekirane langite wis molaih keton peteng, sedulur kabeh kudu ati-ati. Apa maning sing pada nyambut gawe nang sawah utawa nang nggon sing tenggar, age-age bali ngumah. Aja nganti nasibe pada karo Karsin (43).


Warga Dusun Bleber RT 01 RW 09 Desa Tritih Lor Kecamatan Jeruklegi kuwe ninggal kesamber bledheg. Kedadean kiye pas dheweke agi nang sawah, Minggu (2742014).

Kedadean persise ora ana sing ngerti, ning wektu kuwe tes udan karo ana bledheg. Miturut Rakim, warga Desa Tritih Lor RT 01 RW 13, Kecamatan Jeruklegi, wektu kuwe antarane jam setengah lima sore dheweke dikabari nang wong liwat lamona ana wong ngglethak nang galengan sawah.

Krungu kabar kaya kuwe banjur ngabari tanggane Rusin. Wong loro mau banjur merek maring nggon kedadean nggo mestekaken. Tekan nggone, pancen bener ana wong sing nggletak nang galengan. Bareng ditiliki jebule korban sing jebule Karsin wis ora ana nyawane.

Korban ngalami luka bakar nang awak, dada sebelah tengen mlepuh merga kena bledheg. Ora let suwe, jasad korban dievakuasi banjur diserahna maring keluargane.