Sep
26
2017
Today
Cuaca Cilacap 29-08-2017

Berawan
Suhu : 24-320C
Angin : 5-25 km/jam
Cuaca Maritim
Marem Ngeloni Perawan Cilik, Jaka Ora Gelem Tanggung Jawab Cetak
Rabu, 08 Pebruari 2017 13:01

MAJENANG, (CIMED) - Gelem enake ora gelem tanggung jawab. Kuwe sing dilakoni nang Jaka Tria Wiguna. Bujangan 22 tahun, asal Desa Ciporos Kecamatan Karangpucung kuwe lepas tangan sewise marem ngeloni perawan cilik nganti ping papat.


Perawan cilik sing dadi korbane Jaka kuwe jenenge Cempluk (14), dudu jeneng sebenere. Bocah sing esih lugu kuwe dadi korban gombalane Jaka pas wulan September 2016 ndhisit. Ora tanggung-tanggung, guli ngeloni ping papat nganti bocahe mriyang opnane nang Puskesmas.

Kedadeyan kuwe sing dadi marakna Ayu Muktiyah (31), wong tuane Cempluk sekang Cangkore Desa Bantarpanjang Kecamatan Cimanggu ora trima. Dheweke banjur nglapuraken Jaka maring pulisi.

Kapolres Cilacap, AKBP Yudho Hermanto liwat Kapolsek Majenang AKP Fuad njelasaken, pelaku dilapuraken merga wis ngeloni anake sing lapuran.

"Pelaku awale gelem nikahi korban. Nanging sewise ditakokan maning kejelasane jebul pelaku ora gelem tanggung jawab, dadi dilapuraken maring pulisi," jelas Kapolsek Majenang, Rabu (8/2/2017).

AKP Fuad nyritakaken, antarane pelaku karo korban ora ana hubungan katresnan mung kerep ketemu karo kenal-kenal thok.

"Korban dirayu kon gelem nglayani nafsu bejad pelaku. Janjine pelaku arep ngingkahi korban," jerene.

Pelaku ngeloni korban ping papat ngedhur kawit tanggal 25, 29 karo 30 September 2016 nang kamar kos-kosan nang Desa Jenang Kecamatan Majenang.

"Pelaku wis ditangkep, siki ditahan nang sel Polsek Majenang karo nunggu ukumane diproses," jere Kapolsek.

Temindake Jaka dijiret pasal pasal  81 ayat (2) pasal 82 UU RI No.35 tahun 2014, ukumane paling suwe 15 tahun.

 



Share on
Facebook! Twitter! Joomla Free PHP
 

Posting komentar anda