Nov
25
2017
Today
Cuaca Cilacap 29-08-2017

Berawan
Suhu : 24-320C
Angin : 5-25 km/jam
Cuaca Maritim
Kerekam CCTV Pas Nyolong Puskesmas, Gowok Kecekel Pulisi Cetak
Senin, 13 Pebruari 2017 15:57

CILACAP, (CIMED) - Bola bali mlebu penjara merga nyolong ora marakaken Murgiyanto (32) kapok. Nyatane, Gowok paraban warga dalan Satria Grumbul Kreong Kelurahan Tritih Kulon Kecamatan  Cilacap Utara Kabupaten Cilacap sing awake kebek tato kuwe ditangkep pulisi maning ora suwe sewise nyolong nang Puskesmas Cilacap Tengah. Dheweke ndhongkel jendela njukut handphone karo duit nang selorokan meja.


Kapolres Cilacap, AKBP Yudho Hermanto liwat Kasat Reskrim AKP Agus Supriyadi nerangaken, ketangkape tersangka Murgiiyanto merga lapuran sekang korban Sindi (30), warga Perum Ketapang  Kelurahan Kebonmanis Cilacap Utara Kabupaten Cilacap. Korban sing nyambut gawe dadi perawat nang Puskesmas pas dina Setu (11/2/2017) antarane setengah lima esuk umahe kelebon maling.

"Wektu kedadean korban agi dines nang Puskesmas Cilacap Tengah, nang dalan Kalimantan. Korban kelangan HP loro karo duit rong juta setengah rupiah sing disimpen nang selorokan meja," terang Kasat Reskrim, Senen (13/2/2017).

Kasat Reskrim ngungkapaken, sewise olih lapuran kedadean kemalingan, petugas age-age maring Puskesmas Cilacap Tengah. Tekan Puskesmas, petugas nemukaken jendela kamar mandi sing nang ruang nggo pranti babaran kebukak.

"Pelaku kayane mlebu maring njero Puskesmas nganggo cara ngrusak jendela sing dicongkel nganggo drei (obeng)," ungkap Kasat Reskrim.

Sekang kasil ngumpulna keterangan saksi karo rekaman CCTV petugas nyurigani pelaku sing pas kedadean kerekam nang kamera agi ngleboni Puskesmas.

"Ora nganti 12 jam pelaku bisa ketangkep. Dheweke ditangkep nang umahe pas dina Setu antarane jam telu awan," ujare Kasat.

Petugas uga ngamanaken HP loro karo duit sing kayane kasil nyolong. Siki wong sing parabane Gowok awake kebek tatto wis dilebokna nang kamar tahanan karo nunggu proses ukuman. Dheweke siki bakal ndekem maning nang penjara sing suwene nganti pitung taun.


 



Share on
Facebook! Twitter! Joomla Free PHP
 

Posting komentar anda