Sep
26
2017
Today
Cuaca Cilacap 29-08-2017

Berawan
Suhu : 24-320C
Angin : 5-25 km/jam
Cuaca Maritim
Mayit Lanang Ora Ana Identitase Ditemukaken Temangsang Nang Pintu Air Irigasi Cetak
Selasa, 28 Pebruari 2017 12:00

KESUGIHAN, (CIMED) - Wayahe wong pada lunga embret, warga Desa Pesanggrahan Kecamatan Kesugihan geger merga ana mayit lanang sing ora ana identitase ngambang nang saluran irigasi, Slasa (28/02/2017) antarane jam setengah wolu esuk. Durung ngerti, mayit kuwe korban tindak kejahatan apa mati merga ketilem.


Kapolres Cilacap AKBP Yudho Hermanto liwat Kapolsek Kesugihan AKP Asep Kusnadi ngomong mayit lanang sing ora ana identitase ditemukaken nang pintu air irigasi Desa Pesanggrahan antarane jam 7.30 WIB. Korban ditemukaken nang Tuyan (65) warga Desa Pesanggrahan.

"Wektu kuwe saksi Tuyan arep mangkat tandur pari nang sawah. Ngerti-ngerti weruh ana wong kampul-kampul temangsang nang pintu air irigasi," ujare Kapolsek Kesugihan, Slasa (28/02/2017).

Weruh ana mayit kemambang, karo kamitenggengen saksi Tuyan tulung-tulung nyeluki tanggane sing banjutan pada teka. Warga banjur njunjung awak korban maring tanggul irigasi. Kedadeyan kuwe banjur dilapuraken maring pulisi.

Sekang kasil mriksa sing lakoni nang petugas medis Puskesmas Kesugihan maring awake korban ora ana tenger bar dipilara.

"Kayane korban kepleset banjur kecemplung saluran irigasi ngangsi ketilem," ujare Kapolsek.

AKP Asep ngungkapaken, pas ditemokaken korban sing umure antara 35 taunan dhuwure awak 163 centimeter karo bobot 50 kilogram kuwe nganggo kaos lengen cendek warna ijo, nganggo clana dawa warna ireng, kulite sawo mateng karo rambute ireng cendek.

Merga ora ana warga masyarakat sing ngakoni kelangan anggota keluargane, dadi korban diwekna maring pihak Desa Pesanggrahan nggo sementara wektu dikubur nang kuburan desa kono.

"Nek ana warga masyarakat sing kelangan anggota keluargane, teka bae maring Polsek nggo ngecek," tutup Kapolsek.

Sementara kuwe, miturut keterangan saksi Yulindar (30) sing umahe cedhek nggon kedadeyan dheweke pas dina Minggu weruh korban kaya wong bingung mlaku bolak-balik nang cedhek pintu air.

 



Share on
Facebook! Twitter! Joomla Free PHP
 

Posting komentar anda