Nov
25
2017
Today
Cuaca Cilacap 29-08-2017

Berawan
Suhu : 24-320C
Angin : 5-25 km/jam
Cuaca Maritim
Konangan Wong Ronda Nyolong Pit Onthel, Maling Loro Dicekel Cetak
Jumat, 10 Maret 2017 20:36

PATIMUAN, (CIMED) - Wis pirang-pirang sing wis kecekel pulisi, malah ngangsi ana sing diamuki warga, ning koh ya ana bae wong sing dadi maling. Mbok ya, nggolet gawean sing bener, warang-wurung dhuit kasil maling ya ora berkah, nang weteng murub kaya geni. Nek kecekel pulisi sih esih mending, ning nek konangan warga apa ora dadi gawe bisa-bisa awake bonyod, pernahe wis akeh warga sing gething karo polahe maling.


Kaya kedadeyan nang Dusun Sindangkasih RT 01 RW 01 Desa Purwodadi Kecamatan Patimuan dina Rebo (8/3/2017) wingi. Ana wong nyolong pit onthel cilik, konangan warga banjur diamuk nganti pelah-peloh. Tujune age-age diserahna maring pulisi, dadi malinge ora tambah ames.

Cacah malinge ana loro, siji inisiale SRM (36) alias Tole wong Desa Bojongmalaka Kecamatan Bale Endah Kabupaten Bandung Jawa Barat. Sing siji maning inisiale HM (23) alias Huri wong Desa Tambakreja Kecamatan Kedungreja Kabupaten Cilacap.

Miturut Kapolres Cilacap AKBP Yudho Hermanto liwat Kapolsek Patimuan Iptu Ismiyadi, maling loro dicekel warga merga konangan nyolong pit onthel sing didelah nang garasi umah nggone Sukar Permana warga Dusun Sindangkasih RT 01 RW 01 Desa Purwodadi Kecamatan Patimuan.

"Maling loro sing ditanngkep nduwe peran beda. SRM sing njukut pit, sijine maning HM tigase ndeleng kahanan tapel wiring umahe korban," ujare Kapolsek Patimuan, Jemuah (10/3/2017).

Mula bukane, pas dian Rebo (8/3/2017) esuk antarane jam 00.15 WIB kelorone maling boncengan numpak ubluk (pit montor, red) nekani umahe korban Sukar Permana. Wektu kuwe garasi umah kebukak tur keton ana pit onthel. SRM banjur geblus mlebu maring garasi, banjur metu nuntun pit. Jebule ana warga sing agi ronda weruh Tole metu nuntun pit nggone Sukar. Ora kesuwen Tole dicekel banjur diserahna maring pulisi.

"Maling sijine maning si Huri sing wektu kuwe njajal mlayu nganggo montor sidane uga kecekel," jere Iptu Ismiyadi.

Siki maling loro wis dilebokna sel nang Mapolsek Patimuan karo nunggu proses ukuman. Kelorone tersangka bakal dijiret Pasal 363 KHUP sing ukumane tekan 7 taun.

 



Share on
Facebook! Twitter! Joomla Free PHP
 

Posting komentar anda