Nov
25
2017
Today
Cuaca Cilacap 29-08-2017

Berawan
Suhu : 24-320C
Angin : 5-25 km/jam
Cuaca Maritim
Biyunge Ora Teyeng Nulungi, Soimun Mati Kecemplung Sumur Cetak
Rabu, 15 Maret 2017 11:25

KEDUNGREJA, (CIMED) - Kedadeyan apes nibani Soimun (33), wong sekang Dusun Mulyasari RT 02 RW 10 Desa Ciklapa Kecamatan Kedungreja Kabupaten Cilacap. Dadi, dina Slasa (14/3/2017) antarane jam enem sore mati kecemplung sumur mburi umah. Sing lewih melas maning, korban kecemplung nang ngarepe biyunge sing ora teyeng nulungi.


Kapolres Cilacap AKBP Yudho Hermanto liwat Kapolsek Kedungreja ngomongna, kedadeyan kuwe nang sumure korban sing nang mburi umah. Wektu kuwe korban dikancani nang biyunge Sutirah.

"Mula bukane pas dina Slasa antarane jam enem sore. Wektu kuwe korban arep mbuang hajat (nguyuh, red) dikancani biyunge. Pas arep njukut siwur (gayung, red) korban kepleset banjur kecemplung sumur sing ora ana jonggole (pager, red)," ngomonge Kapolsek Kedungreja, Rebo (15/3/2017).

Pas kepleset, nini Sutirah sempat nulungi anake, ning merga wis tua tenagane ora kodag nggo narik awake korban sing banjur kecemplung. Korban Soimun kecemplung sumur sing jerone tekan pitung meter ambane semeter. Jebul, miturut keterangan keluargane korban nduwe penyakit sawan celeng (epilepsi, red).

"Kayane pas nang pinggir sumur penyakit sawan celenge kumat njur korban kecemplung," jerene.

Nggo ngentasna awake korban, jere Kapolsek, Polsek nggandeng BPBD Kedungreja direwangi warga kono bae. Sekang kasil mriksa awak njaba sing dilakoni nang tim medis Puskesmas Kedungreja ora ana tenger penganiayaan. Kayane korban ninggal bener-bener merga cilaka. Sewise diperiksa, jasad korban diserahna maring keluarga ben dikubur.

"Keluarga nrima ninggale korban merga takdir dadi ora gelem dioutopsi. Surat penolakan diteken nang keluarga disekseni perangkat desa," tutup Kapolsek.



Share on
Facebook! Twitter! Joomla Free PHP
 

Posting komentar anda