Sep
26
2017
Today
Cuaca Cilacap 29-08-2017

Berawan
Suhu : 24-320C
Angin : 5-25 km/jam
Cuaca Maritim
Toko Mebel Kemalingan, Cempulek Sing Nyolong Pegawene Dhewek Cetak
Senin, 08 Mei 2017 17:35

KROYA, (CIMED) - Anggota Reskrim Polsek Kroya Polres Cilacap kasil nyekel maling sing nyolong nang toko mebel Endah, Kroya. Maling sing ditangkep loro, ketangkep nang panggonan beda. Cempulek, malinge sing ditangkep pegawe toko mebele dhewek sing wis nyambut gawe nang kono pitung taun lawase.


Ketangkepe pelaku awale sekang lapuran korban Siti Suwaendah (59) ora liya sing nduwe toko mebel Endah. Alamat tokone nang dalan Jendral Sudirman, Desa Kroya, Kecamatan Kroya, Cilacap. Maring pulisi, korban ngaku lamona tes kelangan dangangan se-set kursi pojok nang tokone dheweke. Kedadeyane dina Slasa (2/5/2017) antarane jam wolu esuk.

Miturut Kapolres Cilacap, AKBP Yudho Hermanto liwat Kapolsek Kroya AKP AM Suryoprobo, sewise olih lapuran bab kemalingan dheweke karo anggota banjur nekani TKP nggo nyelidiki ben pelakune terungkap.

"Sekang keterangan saksi-saksi olih informasi, sing temindak nyolong kayonge karyawan toko mebel Endahe dhewek," jere Kapolsek Kroya, Senen (8/5/2017).

AKP Suryoprobo nerangaken, sekang informasi mau karo nyelidiki nganti gemati pulisi bisa nangkep maling sing cacahe loro. Maling kuwe AIW (26) wong Desa Kedawung RT 04 RW 02 Kecamatan Kroya, sijine maning ASA (26) wong Desa Sirau RT 03 RW 03 Kecamatan Kemranjen Banyumas.

"Loro-lorone pegawe toko mebel. Tersangka ASA pegawe sing dipercaya nang sing nduwe toko, dheweke wis nyambut gawe nang kono pitung taun," terang Kapolsek Kroya.

Kapolsek Kroya nambahaken, siki barang bukti karo keloro tersangka wis diamanaken nang Polsek Kroya kanggo proses ukuman. AIW karo ASA bakal kena ukuman nganti pitung taun.



Share on
Facebook! Twitter! Joomla Free PHP
 

Posting komentar anda