Des
12
2017
Today
Cuaca Cilacap 29-08-2017

Berawan
Suhu : 24-320C
Angin : 5-25 km/jam
Cuaca Maritim
Ramane Dolanan Dara, Anake Kecemplung Irigasi Cetak
Selasa, 09 Mei 2017 18:37

BANTARSARI, (CIMED) - Nggo wong tuwa sing nduwe bocah cilik, tulung nek anake agi padha dolanan dijagani sing temenan. Pokoke aja ngasi dijor klowor dhewekan. Ngerti dhewek, bocah cilik nek karep apa-apa ya bakal dilakoni. Mbuh kuwe migunani, mbuh mbebayani. Aja nganti kedadeyan bocah cilik mati kecemplung saluran irigasi tiba maring keluargane rika padha.


Kaya nasib apes sing nibani keluarga Kasimin (28) wong Dusun Rawakeling RT 02 RW 02 Desa Rawajaya Kecamatan Bantarsari, merga kelangan anak lanang sing agi gemuris. Mergane bocah sing tembe umur rong taun setengah kuwe ngerti-ngerti Slasa (9/5/2017) awan ditemokaken wis ninggal ketilem nang saluran irigasi cedhek umahe.

Miturut keterangan sing ditampa CILACAPMEDIA.com sekang pulisi, anake Kasimin yang ninggal kecemplung irigasi jenenge Friki Pratama (2,5). Wiwitan kedadeyane dina Slasa (9/5/2017) antarane jam 10.35 WIB, sewise bali nderes Kasimin karo korban dolanan nang njero umah. Sewetara Eti (25), biyung bocah agi genen sajeng nggo gawe gula jawa.

Sewise dolanan bareng, ramane korban gari dolanan dara nang latar ngumah. Anak lanange dolanan dhewek nang saluran irigasi sing nang sebelah umah. Ramane tungkul dolanan dara ana 20 menitan, bareng nylingak anake wis ora nana. Kasimin gari gedandapan nggoleti anak lanange sing ora keton nang nduwur saluran irigasi.

Merga mandan curiga anake mbok kecemplung irigasi, Kasimin banjur nyemplung ngggogohi karo mlaku. Wektu kuwe banyune mandan banter. Sewise mlaku ana 700 meter sekang nggon sing nggo dolanan, Kasimin bisa nemokaken anak lanange kemambang kesangkut brug. Pas ditemukna, kondisi korban wis ninggal.

Miturut Kapolres Cilacap, AKBP Yudho Hermanto liwat Kapolsek Bantarsari AKP Suwarna, kedadeyan kuwe merga kurang pengawasan sekang wong tuane. Ndean pas wektu korban dolanan nang pinggir saluran irigasi sing ambane telung meter jerone semeter dheweke kepleset banjur kecemplung ketilem kegawa banyu nganti ninggal. Ndilalah korban ora bisa ngelangi, banyu irigasi agi jero tur banter.

"Kasile dipriksa nang petugas medis ora ana tanda-tanda penganiayaan. Sewise dipriksa, korban banjur diserahna maning maring keluargane kon dikubur," jere Kapolsek Bantarsari, Slasa (9/5/2017).

 



Share on
Facebook! Twitter! Joomla Free PHP
 

Posting komentar anda