9 Monitor SMP Negeri 1 Dayeuhluhur Ilang Dijukut Maling Cetak
Minggu, 29 April 2012 14:42

DAYEUHLUHUR, (CIMED) – Sekolah Menengah Pertama Negeri 1 Dayeuhluhur kelebon maling. Sanga LCD monitor nang njero ruang laboratorium dikukud digawa mlayu nang maling. Miturut informasi sing dikumpulna CILACAPMEDIA.com kasus kelangan sing dialami SMP Negeri 1 Dayeuhluhur kedadean dina Setu (28/4/2012) antarane jam 12 awan. Maling sing dipretungna lewih sekang wong loro mlebu meng ruangan laborat nganggo cara ngrusak jendela karo teralis ngarep.

Maling banjur njukut barang-barang sing ana nang njero laborat. Ana sanga layar monitor (LCD) karo siji komputer digawa mlayu nang maling. Nek dietung kerugiane nganti Rp 14,3 juta.

Durung ana informasi yang nyebutna kedadean kemalingan kuwe sekolahe pas prei apa ora. Sing mesti, nganti siki petugas jajaran Polsek Dayeuhluhur tesih nyelidiki kasus kemalingan kuwe.