Maning, Bocah Kelas Siji SD Ketilem Nang Kali Cikawung Cetak
Selasa, 29 Mei 2012 08:07

CIMANGGU, (CIMED) – Bocah kelas siji SD ketilem ninggal nang aliran Kali Cikawung, Desa Genteng, Kecamatan Cimanggu, Senen (28/5/2012) antarane jam telu sore. Korban jenenge Muhamad Restu Sidiq (7), warga Dusun Genteng Kulon RT 01 RW 07 Desa Panimbang, Kecamatan Cimanggu.

Miturut Martono (42) salah sijine saksi, korban ninggal ketilem nang kali Kawung pas dolan bareng karo kancane loro. Korban sing tembe kelas siji SD kuwe anake Slamet Paryanto.

Martono ngaku, pas kedadean krungu ana swara tulung-tulung sekang kali. Gregap, dheweke banjur marani swara tulung-tulung, jebule bocah ketilem. Janeh Martono karo ana warga liyane wis usaha nulungi korban, ning gagal. Ora let suwe korban ditemokna, ning wis ninggal nang kali sing jerone 2 meteran.

Sedurunge nang panggonan liya, Setu (26/5/2012) Muhamad Chandra Zay Haque (12) warga Desa Mulyasari RT 04 RW 08 Kecamatan Majenang uga ditemokna ninggal nang Kali Cilopadang.

Dheweke sedurunge dilaporna ilang kawit dina Jemuah (25/5/2012) bar dolan bareng karo kanca-kancane nang kali. Let sedina pelajar SD anake Chandra kuwe ditemokna nang kali Cilopadang wis ninggal. Korban banjur digawa maring RSUD Majenang nggo divisum.

Kanggo wong tua khususe sing esih nduwe anak cilik sing pada waspada. Bocah dolan aja dilos karo diawasi, apa  maning sing cedhek karo kali utawane blumbang jero. Ben kedadean bocah ketilem ora ana maning.